Низ чидай кьван гьалтай ч1авуз,
Четин жерди, ваз гаф лугьун.
Намус кувай халкьдин бала,
Са к1ус рик1из килигт1у вун.
Акьунач зун ви гъавурда,
Вучда гила, багъишламиш!
Гила за ваз вуч лугьуда,
Хъжезмач зун ваз бегенмиш.
Герек тушт1а ваз зун эгер,
Са гафни мад за кхьидач.
Вуна рик1ил туру гелер,
Эхда абур, зун рекьидач.
Йикъар гила гьак1а физва,
Вун галачиз рик1 дарух я.
Дарман себеб, лагь нез чизва?
Къеневайди са саврух я.
Зи гьарайдин ван ваз къвезвач,
Пехъи хьанва дагълар, чуьллер.
Валай к1ани кас заз авач,
Буьркьуь жезва к1ани вилер.
Билбил хьиз зун рахайт1ани,
Акъатдач зи чандай дердер.
Вун галачиз кьейит1ани,
Акъуддач вун рик1яй иер.
Акьунач зун ви гъавурда
© Copyright: Назиль Махмуд 76, 2016
Свидетельство о публикации №116020604589
Свидетельство о публикации №116020604589
Рецензии