ВЕГЬИЗВА КАМ
Гьар пакамахъ,
К1валяй экъеч1на,
К1валахдал физ, -
Савда ийиз,
(Ц1ийи аямда
Кеспи я ам),
Гзафбуру,
Тадиз – тадиз
Базардикди
Вегьизва кам.
Акъудзавай
Гьар йикъан,
Гьарда вичин
Алвер кьилиз.
Нагъд пул къвезвай
Чка яз гъилиз.
Са вахтара
Алим хьайи,
Муаллим хьайи,
Инженер хьайи,
Офицер хьана, -
Талим гайи…
Вири,вири -
Эркек, диши
Бизнесменар
Хьанва саки.
Виликди тухуз
Яшайиш,
Асайиш,
Дуланажагъ,
Хъсанриз гьал.
Галукьнаваз
Базардин
Кьенаятдин т1ал!
Гьа ик1 физва
Вири виликди,
Регъуь тежез
Са зерени,
Кьунвай пешедал,
Гьахъ яз чебни,
Хьанваз рази.
Ч1алахъ яз,
Умуд кваз
Тамам…
Гележекдик
Вегьизва кам…
1997 й.
***
© Copyright: Фикрет Хидиров, 2016
Свидетельство о публикации №116020611558
Свидетельство о публикации №116020611558
Рецензии