Фикрет Хидиров
Вири уьмуьр зи, лезгидин,
Мерд ксарин хьана юкьва.
Намус, гъейрет хьайи михьи,
Намердрив гьич тахьай мукьва.
Руьгьдин гьиссер тежез секин,
Герек къайгъу, гьай жез рик1е.
Регьетвилихъ , рехъ яз четин,-
Жуьрет авур, тежез кич1е.
Гагь зал гьалтай гьахъ крарин
Адалат, за кьуна вине…
Ялтахриз ч1урна за чин,
Алчахриз – тфу, няне.
Шерик хьайи девирдин кьве,-
Какатайвал хвенач за кьил.
Заз багьа тир совет уьлкве…
Демократри-ч1урнач гевил.
Амма алчах, ялтах типрин
Нифретрикай тахьай кич1е.
Хвена мерд ва гьахъ къилихрин,
Инсандиз хас тир рехъ - бине!
***
© Copyright: Фикрет Хидиров, 2016
Свидетельство о публикации №116013011819
Свидетельство о публикации №116013011819
Рецензии