Санау - счёт

0. Ноль

Ноль кесича джукъда тюлдю.
Болмагъан затха юлгюдю.
Башха санга нёгер болса уа,
Аны кёбейтирге устады.

1. Бир

Бир деб санауну башлайбыз.
Бир деб джангызгъа айтабыз.
Кёкге къараб бир кюн кёребиз,
Кече келсе, бир ай эслейбиз.

2. Эки

Бу санны аты экиди.
Суу бабушчукъча кесида.
Кесибизге уа къарасакъ да, 
Эки кёрлюкбюз къол-аякъ да.

3. Юч

Юч саны бла не билебиз?
Ючаякъ, ючкюл кёребиз.
Джолда светофоргъа къарачын,
Аны бояуларын саначы.

4. Тёрт

Тёрт ючден сора келеди.
Мешнаны тёрт чарх элтеди.
Къара, кючюк анга чабады,
Аны джетсем деб гузабады.

5. Беш

Бармакъчыкъланы санайбыз, 
Сол къолда бешде бошайбыз.
Ол бир къолда санау алайды.
Бирден башлаб бешде тохтайды.

6. Алты

Ма, алты, бешни ызы бла-
Балийчик бутакъчыгъы бла.
Аны джазгъан да тынч болады.
Тёгерекден сыз тартылады.

7. Джети

Джетиге джити къарайбыз,
Чалкъычыкъха ушатабыз.
Джанкъылычны тюрсюнюнде биз,
Джети тюрлю бояу керебиз.

8. Сегиз

Сегизге санай джетгенбиз.
Сегизге юлгю билгенбиз-
Сегизаякъ сууда джюзеди,
Аякъларын бирден силкеди.

9. Тогъуз

Баштёбен болса алты да,
Тюрленед халы, атыда.
Анга тогъуз деб айтылады.
Ол сегизден сора барады.

10. Он

Ноль бирге джуукъ келгенди,
Сора аны он этгенди.
Алай бла биз ойнай, ойнай,
Уста болдукъ джаза, санай.