Вай идняй, вай тяконяй,
Эрьке лоткак летнямда.
Въдь эрь панчфкясь-маконясь
Уды-ваймяй ветемба.
Ажаняй, тят аварде, –
Ольгсезь маштат эрьгада.
Тондейть морня саворня
Моран – оння серьгядян.
Онняце прокс комлянякс
Валги пряпезт тёждяста.
Тон въдь ни аф ёмланят!
Аертт шабань ёжеста.
Катк мъзярс нюрямняце –
Тячице и вандыце,
Ули ярхцамс ямняце,
Наголь вакссот андыце.
Ну а таштомсь паляце,
Тянкса тон тят пичеде.
Сай ки лангста аляце,
Уски одня ичкозде.
Тонцьке касат сериста,
Эрьгя-вий тейть веженди;
Кудонь тевса, переса
Арат тейнек неженди.
Нюрямонь мора
© Copyright: Николай Циликин, 2016
Свидетельство о публикации №116012311282
Свидетельство о публикации №116012311282
Рецензии