Школать пирьфоц нармонь пизокс
Идень вайгяльса чильняй.
«Шуморсь тонафнема кизось!» –
Гайняй пайгонясь цинняй.
Эхи кеняртьфт тячи иттне!
Вельхкссост пееди шинясь!
Вяти учсеф лямбе шитнень
Нарнять ланга кизонясь.
Терди ару веднясь ляйса.
Лажадсь пруду идень тналсь:
Эрь идьморсь ни онца няйсы,
Ули сонь инь оцю калсь.
Кизоньберьф иднятне ваймяйхть,
Имошт кази теест вирсь…
Тячи пайгонясь, няк, гайняй,
Жалфта пяшксе школань пирьфсь.
Шуморсь тонафнема кизось
© Copyright: Николай Циликин, 2016
Свидетельство о публикации №116012203297
Свидетельство о публикации №116012203297
Рецензии