Чун гьамиша рекьева ,физ
Са вуч ят1ани жагъуриз
Пашманвални -шадвал ч1ехи
Гьакъикъат я ,уьмуьрдин чи.
Кисунин ч1ал чир хьайт1а чаз
Зур гафунлай гъавурда акьаз
Вин нефесдин ван хьайт1а заз
Ам гьакъикъат уьмуьр я чи.
Зун фикиррик акатайла
Къаншардиз вун акъатайла
Агатайла рагъ хьиз чими
Ам гьакъикъат уьмуьр я чи.
Килигиз хьайит1а чавай
Ярариз экуьнахъ атай
Акурт1а экв ,йифиз мич1и
Ам гьакъикъат уьмуьр я чи
Чун хьана яргъалди санал
Пайиз хьайт1а т1уьр фу гьалал
Шуьрайт1а чун ,чин бахтуни
Ам гьакъикъат уьмуьр я чи.
Хукудайт1а йисар гьак1 фей
Зат1ни тун тавуна хъфей
Ч1ехи пай ,ят1ани ич1и
Чав гумай пай ,уьмуьр я чи.
Уьмуьрдин гьакъикъат
© Copyright: Гулья Мисриханова, 2016
Свидетельство о публикации №116012100233
Свидетельство о публикации №116012100233
Рецензии