Гуржидин руш

    Атана чан атана,атана               
 Къачагъ лезги атана.
 Мич|и йифиз гьарай физ,
 Гуржидин руш тухвана.

 Ишемир чан,ишемир,
 Гуржидин руш ишемир.
Вилерилай селлер физ,
 Ватан рик|ел хкимир.

 Руш чуьнуьхун къелет я.
 Вучда, ам чи адет я.
 Зун бубайрин адетриз
 Вафалу тир велед я
.
 За вазКаспий гьуьл гуда,
 Вири Лезги чил гуда.
 Кьадар кьисмет сад ийиз,
Дуствилелди гъил гуда.

 К|ват| хьана эл-гелхенар,
 Зи вахарин теменар,
 Алк|ида ви хъуькъверал
Яру п|узар-жуьгьенар.

 Дидеди вун агъмишда-
Вичин туп|ал гимишдин,
 Бадедини сандухдай
Зар келегъа багъишда.

 Пуд йиф,пуд югъ Руьчеда*-
 Дем жеда чи куьчеда,
 Виш йис хьайи къужайри
"Лезгинкадал" къечеда.

 Кьадач за вун хелветда,
Ят|ани заз девлетдай.
Цава кьуьлиз картари,
Вун булахрал гуьзетда
.
 Кстах бала гуржидин,
Тахт туьк|уьрна гуьзгуьдин,
 Ц|ару дагъдин хурахда,
Хуьда вун гелхенвиди.

 Къенлай кьулухъ ви ватан,
 Ви юрд-ери Лезгистан.
 Къачагъ лек|и гьазур я,
 Ваз къурбандиз вичин чан.

 Яргъа хьайт|а зун вакай,
Декьикьйра чун чакай,
 Тавакъу я, Гуржи тават,
 Катиз дахьуй вун закай.

*Руьче- Гелхена автор яшамиш жезвай куьче