Якай-аськоляй штадоньбрят кизось,
Вайси опана псинцты перьфпяльсь.
Куфци вирсь (эшень ванфтыське сизесь),
Коське шяйс опамсь нармонень кяльсь.
Нъльне ляйнятьке, – отькорьста шудить, –
Пяле киса сувазе шуварсь;
Уроскакс явси вельхкссонза нюдись,
Шяи вакссонза сянгяря нарсь.
Менельсь кяжиясь, конянц сърмазе,
Пуроптсь шаманц лангс шобда туцят.
Эвотьф Шись мъзолфканц эзк пърдазе,
Ёндолсь Модать мяштьс ляценди цяткт.
Кеме онцтонза Атямсь стясь-съргозсь,
Ташта ортанзон калдордозь панчсь,
Ононь колаенц лангс кяжда изгордсь,
Арфты калада крандазонц шанчк.
Ласьки ичкозде элякотф вармась,
Летьке кожфонзон пани-уфай.
Терди латалу лефксонзон нарвайсь,
Пиземсь кяпе кштизь яннява сай.
Пиземонь карша
© Copyright: Николай Циликин, 2016
Свидетельство о публикации №116012110569
Свидетельство о публикации №116012110569
Рецензии