Кудстонк тушендсть кие коза –
Покам васту тапайхть ян.
Мон стак ащема аф озан,
Мон кудъётконь тефт тиян.
Нява ведарканьке шава –
Кандан ведня.
Кода флангс
Вятян вазняньконь кинява
Пере пети нарнять лангс.
Эсь кроватькязень урядан,
Штаса-нардаса шърать, –
Катк сизян, а тевнень прядан, –
Тяйса аксялкть и мргать.
Лапаз алу нарвайть тердян,
Атнай лефксканзон луван,
Тише капаня эсь серьсон
Вачкан – пиземда пърдан.
Куду тядязя сай – сизеф
(Ужинц шра лангса шиньфтай!),
Пеетькстоми,
Апак кизефтть
Кельгозь прязень сюдердай.
Лездан тядязти
© Copyright: Николай Циликин, 2016
Свидетельство о публикации №116012110554
Свидетельство о публикации №116012110554
Рецензии