Нарфу-Нармонькс лии кизоть тёкшец,
Перьфпяльсь ваясь-опамсь коське псис.
Эше кожфкясь вири кирендсь-кокшкодсь,
Соньге ваймоц, улема, шяйсь-пись.
Ласьки яннясь, – псида ёрай кяшемс, –
Вакскаванза шяезь шяи нарсь,
Новольф кяднят уроскакс стяф пяшесь,
Паксять вельхксса – кенерьф сёронь нарф.
Кизось коське пенгаса, нать, ушты, –
Ёфси аф ужяльдезь карьхцяй псить, –
Менель пачкалгсонза рястай-пушты
Вайняфтома алтюжянякс Шить.
Кизоть тёкшец
© Copyright: Николай Циликин, 2016
Свидетельство о публикации №116012110417
Свидетельство о публикации №116012110417
Рецензии