Къадим Дербент
Аманат тир шегьерарни къелеяр,
Дегь девирин, чав агакьай тарих я.
Чирун патал абурун сур бинеяр,
Инсаният даим цигел, дарих я.
Фагьум, кьат1ун, ч1ехи гуьркем акурла,
Хци жезва, желб жезва деринрал.
Рик1ин гьиссер течир крара акьурла,
Кьарай квахьна,ч1ур жезва хьи секинвал.
5000-йис алатнава, талукьри,
Сифте къалай, ягъай инал алачух…
2000-йис тамам жезва, махлукьри
Кутур шегьер - Дербент- Кьвевар ярашугъ.
Динжвал тагай шумуд тайфа- ягъийри,
Къеле эцигиз тунай чкадал кьакьан…
Кьве вар галай къванцин - къаяб паруйри,
Хвена шегьер, мензил фенвай гьуьлел кьван.
…Аманат яз амай къелед абурдал
Ала гьуьжет, - яш жкгъуриз шегьердин…
Шаксуз, са къуз къведа абур сабурдал,
Гьахъни бат1ул къарши хьунин тегьердин.
И къеледин сиррер гьеле аян туш,-
Гьуьжетунар мадни, мадни хъижеда.
И къеледин акунар я пара хуш,
Дербент хьтин шегьер ава бинеда.
2015 й.
къадим дербент
© Copyright: Фикрет Хидиров, 2016
Свидетельство о публикации №116011911854
Свидетельство о публикации №116011911854
Рецензии