Дере тепе, экуь Дуьнья!
Вуч мич1и я чанда лап зи.
Дидед чилин накьвадин ранг,
Дигиш жезва, яшар хьиз зи.
Кьулан вац1ун ругъул ятар,
Ахварай хьиз кегьакьзава.
Пеш авахьиз багъдин тарар,
Зи дердинихъ, ишезава.
Къван цк1енвай шегьре рекьер
К1вачера зи т1ал гьадзава.
Дармандиз за к1ват1ай векьер,
Чандавай дерт, акъудзава.
Дагъда авай къайи булах,
Зи руьгьдал на чан хкида.
Цуькведи кьур ачух яйлах,
Куьн такваз зун, гьак1 рекьида!
Диде Ватан
© Copyright: Назиль Махмуд 76, 2016
Свидетельство о публикации №116011303931
Свидетельство о публикации №116011303931
Рецензии