Замансызлай хорлатма кесинги,
Бир абынган джюз сюрюнюб къобар.
Джашырма сен, джашырма бетинги,
Джыгъылмадынг! Сынаб кёрдю къадар.
Джюрегинги тазады иннети,
Аллах, адамда болурла шагъат.
Сёзюнг, джырынг ийнандырды- керти,
Къара кечени танг джарыкъ чачад.
Булутланы да джел алыб кетер,
Чууакъ кюнча ачыкъ турсун кёлюнг.
Юзюлмесе умут, насыб джетер.
Тегерекге чача алтын нюрюн.
Юзюлмесе умут, насыб джетер
© Copyright: Айшат Кущетерова, 2016
Свидетельство о публикации №116011300287
Свидетельство о публикации №116011300287
Рецензии