Белляу,белляу айтайым,
Бешигинге салайым.
Белляу,белляу, татлыма.
Белляу,белляу,балама.
Татлы джукъу бёлесин,
Мёлек негерлик этсин.
Белляу,белляу, алтыным,
Белляу,белляу, багъалым.
Аллах сени сакъласын,
Насыб бериб сыйласын,
Белляу,белляу, джашчыгъым,
Аллах берген джанчыгъым.
Джукъла, джаным, джырлайым,
Бешигинги чайкъайым.
Белляу,белляу, гитчечик.
Белляу,белляу, гинджичик.
Джашаунг нюрден толсун,
Ёмюрюнг узакъ болсун.
Белляу, белляу, бурхучукъ.
Белляу,белляу, ариучукъ.
Бешик джыр
© Copyright: Айшат Кущетерова, 2016
Свидетельство о публикации №116011106328
Свидетельство о публикации №116011106328
Рецензии