Эхтияр це куьн кимел
Салам гана къведай заз.
Занни ийин тебрикар
Буюр! лугьун къвезвай саз.
Куьн ачух ким к1анда заз
Хъифидач .гьич санизни.
Чанар сагъ яз,рик1 шаддиз
Атурай чаз и йисни.
Акъвазда чун вил алаз
Авуна лап дамахар.
Къвезвай йисаз це лугьун
Чун шад жедай к1валахар.
Адет хьанва дуьньяда
Ц1ийи йис хъуьт1уьз къведай.
Чин рик1ер сад хьайила
Вуч кар ава тежедай.
Килига вун гъидачт1а
Ц1ийи йиса чаз паяр.
К1убан жеда шазандлай
Чин вахарни ,стхаяр.
Дуст,маса гаф герек туш
Михьи рик1 я ,ц1ай авай
Ким ачухдай такьатни
Шаирвилин пай авай.
Вад миллион жедалди
Са 5 дуст хьун хъсан я.
Хардж жедай а пулунлай
Хъсан дуст .заз лап к1ан я.
Агь ц1ийи йис суьгьуьрчи
Мецикни зарб кутазва.
Чин форрумда инсанар
Шииралди рахазва.
Рушарин ким
© Copyright: Гулья Мисриханова, 2016
Свидетельство о публикации №116011112739
Свидетельство о публикации №116011112739
Рецензии