Къууанчдан толтура, къарадынг кёзюме.
Сюйюмлю ышара, тынгладынг сёзюме.
Тюшюмде кёргенни тюнюмде сынадым.
Сюймеклик Къаланы сезимден къаладым.
Чырайынг, сыпатынг алдыла эсими,
Мёлекге ушатыб, алдадым кесими.
Къоймады биргелей джаннгызлыкъ джазыуум.
Джюрекни кючледи ёмюрлюк джарсыуум.
Кюнлени биринде чачылды къалабыз.
Башханы сайладынг, бузулду арабыз.
Къаты болмадынг, джаным, этген антынга.
Насыблы биреулен сюелди къатынга.
Джаралы джюрекни къалмады къарыуу,
Замансыз джашауну тас болду татыуу.
Къанатны джангызы мийикге чыгъармаз.
Экинг да кюймейин, сюймеклик чагъалмаз.
Джаралы джюрекни къалмады къарыуу
© Copyright: Айшат Кущетерова, 2016
Свидетельство о публикации №116010906974
Свидетельство о публикации №116010906974
Рецензии