Ана деген къалай татлыды.
Бала джылыуундан тоймаз.
Тиширыуну сыйлы атыды.
Анга ийнанмагъан болмаз.
Ананг саудан насыб толуду,
Кюнюнг джарыкъ, кёлюнг эркин.
Ол дунияда болур соруу да
Къыйнаб мыдах этсенг бетин.
Усталыгъы бла, болуму бла,
Тутхан ишинги тюзетир.
Сюймеклиги бла, билими бла,
Адет, намыс да юретир.
Ана къачы таудан мийикди,
Къор болайыкъ аналагъа.
Сыйлы Аллах, бир бек тилейме -
Насыб буюр сен алагъа!
Ана
© Copyright: Айшат Кущетерова, 2016
Свидетельство о публикации №116010906909
Свидетельство о публикации №116010906909
Рецензии