Джюрегиме сен бердинг учаргъа къанат.
Муратымы мен этдим сенге аманат!
Узатама къолуму, бирге атлайыкъ.
Буйрукъдан насыб юлюш биз да алайыкъ.
Ийнан меннге, арюуум, джашау джокъ сенсиз,
Къарны акълыгъы кибик, иннетим кирсизд.
Кемсиз сюйгениме уа, джыр болсун шагъат,
Сагъышла сеннге элте, тангларым атад.
Джюрегиме сен бердинг учаргъа къанат.
Муратымы мен этдим сеннге аманат!
Узатама къолуму, бирге атлайыкъ.
Буйрукъдан насыб юлюш биз да алайыкъ.
Ант этеме, багъалым, джукъ бла джарсытмам,
Ёмюрде ауур сёз бла сени къыйнамам.
Джаныма дарманчады сени къарамынг,
Джюрек эритирчады джылы ауазынг.
Джюрегиме сен бердинг учаргъа къанат.
Муратымы мен этдим сеннге аманат!
Узатама къолуму, бирге атлайыкъ.
Буйрукъдан насыб юлюш биз да алайыкъ.
Муратым сеннге аманат
© Copyright: Айшат Кущетерова, 2016
Свидетельство о публикации №116010906559
Свидетельство о публикации №116010906559
Рецензии