Къыш бузла кёлню кебге джыйгъанча,
Джангызлыкъ кючлейди адамны.
Джан алыучу къанатын джайгъанча,
Сууута, сууну кибик къанны.
Джаз, джылуу бла, тегерек чакъгъанча,
Джюрекге келирми джаннгыруу?
Буз эриб, таза суулай саркъгъанча,
Санланы бошлармы бу ауруу?
Джер, битим берирча толусу бла,
Бек сакълайды джаумну,кюсеб.
Таш болуб къалмазча бу джарсуу бла,
Джюрекге уа не берсин себеб?
Джангызлыкъ
© Copyright: Айшат Кущетерова, 2016
Свидетельство о публикации №116010910469
Свидетельство о публикации №116010910469
Рецензии