Сандух хьиз за хазинавай,
рик1 ачухна, дердер пайда,
кьефесдавай нуьк1 хьиз авай,
муьгьуьббатдин гьиссер пайда.
Океанда тек гими хьиз,
зун дуьньяда къекъвезава,
зи рик1-элкен на зали хьиз,
ашкъи туна,гьелекзава.
Нагьакьа гьар (йи)физ ахварай
аквазва заз ч1улав вилер-
зи к1аниди физ яргъарай,
зи накъваркай жезва вирер.
Ялав хьана зи к1анивал,
ашкъидин ц1ай рик1е тваз куй,
я тахьайт1а заз к1анивал,
ви т1вар кьванни рик1еваз хьуй...
1979-йис.
И шиир за кхьизва ваз
© Copyright: Нажмудин Шихнабиев 2, 2016
Свидетельство о публикации №116010708614
Свидетельство о публикации №116010708614
Рецензии