Рик1ин рагъ
-Тухванва вун серт хиялри,
Лагь вуна вуч фикирзава ?
-Гъамлу хьанвай ви вилеркай
Руш за шиир туьк1уьрзава.
Ви вилерин пашманвили
Рик1ин шадвал квадарзава,
За кхьизвай ц1арарални
Гъамлу хъенар гадарзава.
Куьк1уьр вуна ви рик1ин рагъ,
Багъиша заз милаим хъвер.
Зи шиирдин ц1арарлайни
Алатдайвал пашман цифер.
...Заз килигна вун хъуьрена,
Рик1из зерре регьат хьана,
Зи шиирни азад хьана,
Цифер квахьна рагъ куьк1вена.
© Copyright: Сейфудин Шахпазов, 2015
Свидетельство о публикации №115123104301
Свидетельство о публикации №115123104301
Рецензии