Гьинела зама жагьте
Дуньяла кепике цаб,
ЦIакьле мехIур бугьуле,
Жагьнамла цIалике цаб.
Хуктаба гъай иргъхIаргъу
Дудешбаке лихI хIайхъу,
Ибилра бир хIабиру...
Нешра сехIизе хIайсу.
Яман гIямалт дируле
Чува жагьдеш аркьулдар,
Гьачам гIямру лер иле
Ванагь барес хъямбукIар.
Мижгитизе башуте
Жагьте цIакьле камле цаб
Леб жагьта урга ахIте,
Итичи талихIкарт цаб.
Огь жагьдеш, хIу огь жагьдеш,
УркIи ахъил зат цабри
Лебкьяну хIа пашмандеш?
Лимзи аргъай зат цабри.
Гьинела жагьте
© Copyright: Абдула Алиев Ибрагимович, 2015
Свидетельство о публикации №115121105834
Свидетельство о публикации №115121105834
Рецензии