Не кукуй, зязюля, ў гаі,
Не лічы мае гады.
Іх нямнога засталося.
Я ж даўно не малады.
І прайшоў мой шлях жыццёвы
Праз галечу, праз вайну,
Праз трывогі і пакуты,
Што нагналі сівізну,
Што пасеялі маршчыны,
Надарвалі жылы рук,
Надламалі ў працы спіну,
Прытупілі сэрца стук.
Не кукуй, зязюля, ў гаі,
Мне шляхі не выбірай.
Мне ўжо выбрана дарога-
Або ў пекла, або ў рай.
Не кукуй, зязюля...
© Copyright: Владимир Хихол, 2015
Свидетельство о публикации №115112205227
Свидетельство о публикации №115112205227
Рецензии
