Акунайтla вилериз югъ шад хьайи,
Зи чкlанвай рикlин кlусар кlватl хьайи,
Хайи чилел чи лезги халкь сад хьайи,
Куьч хъижедай цаварал зун лиф хьана.
Акунайтlа кьегьалдиз югъ кlвал хьайи,
Сихилд мецел пак тир дидед чlал хьайи,
Куь рикlера, зи рикlе хьиз, тlал хьайи,
Хкаж жедай цавариз зун циф хьана.
Акунайтlа лайихдаз югъ тахт хьайи,
Ватан патал серф ийидай вахт хьайи,
Гьар дидедиз вичиз дигай бахт хьайи,
Хкахьрай зун, йикъакай хьиз, йиф хьана.
Акунайтla...
© Copyright: Вадим Адилов, 2015
Свидетельство о публикации №115112105205
Свидетельство о публикации №115112105205
Рецензии