МэшIожъугъэу къуахьэ тыгъэр,
Ошъо къуапэм ридзэу лыгъэр;
ЧIышъор шIэтэу къэIэсагъ-
Уахътэм ахэр иIэшIагъ.
Макъэ мыIоу непэ тынчы,
Гупсэф Iасэр уашъом къэкIы,
Пщэ зырызхэр огум щесых,
ПэIопапкIэу къушъхьэм тесых.
Псыхъор шъабэу мэзекIуашъэ,
ПкIашъэр шъышъэу къэIушъашъэ:
Сыдэу даха – охътэ шIагъу,
Гупшысэныр гум илъагъу.
*****
Охътэ, охътэ, охътэ шIагъу,
Гупшысэныр гум илъагъу.
КъысэпIуагъэшъ шIу сыплъэгъоу,
Непэ, непэ сигушIуагъу.
(Бэрэ, бэрэ ащ уежагъ)
(Непэ, непэ пщыз пхэхъуагъ).
Непэ , непэ сщыз схэхъуагъ!
Охътэ шIагъу
© Copyright: Анатолий Зекох, 2015
Свидетельство о публикации №115111711635
Свидетельство о публикации №115111711635
Рецензии
