Гьахъ кlанзамач зайифдазни диридаз,
Гьахъвал гвайди пис кас жеда виридаз.
Чlалахъ хьухь вун душман жеда иридаз,
Гьахъ гафунив на адан гаф атlайла.
Цуруд лугьуз ви некleдиз - фиридаз,
Жедач лугьуз жедай кардиз- жеридаз,
Маса гуда вун патандаз, гъейридаз,
Гьахъ гафунив на адан гаф атlaйла.
Кьурайд лугьуз ви салавай цицlидаз,
Етим лугьуз буба амай бицlидаз,
Шулуд лугьуз ви кlвалевай кьецlидаз,
Гьахъ гафунив на адан гаф атlaйла.
Элкъведа ам са вагьшидиз, пехъидаз,
Саламни гуч ви атайдаз, хъфейдаз,
Гьуьрметдач мад ви хайидаз, кьейидаз,
Гьахъ гафунив на адан гаф атlайла.
Гьахъ гафуникай
© Copyright: Вадим Адилов, 2015
Свидетельство о публикации №115103100087
Свидетельство о публикации №115103100087
Рецензии