Між лясоў дрымучых,
Дзе было шмат дзічы,
Продкі заснавалі
Вёску Калядзічы.
Працаю стараннай
І бязмежнай воляй
Лес ператвараді
Ў ворыўнае поле.
І лясы, і поле
Сем'і іх кармілі.
Рэчка і крынічкі
Іх вадой паілі.
Дні ішлі за днямі.
Праміналі годы.
Шырылася вёска,
Множыліся роды.
Вёска Калядзічы
Майму сэрцу міла.
Тут мая матуля
Мяне нарадзіла.
Я ў дзяцінстве рос тут,
Сілы набіраўся.
Тут мне ўсё знаёма.
Тут мой след застаўся
Ў хаце, дзе радзіўся,
Ў школе, дзе вучыўся,
Ў садзе, што садзіў я,
Ў лесе, дзе блудзіў я.
Вёска Калядзічы!
Ты мая радзіма.
І забыць цябе мне
Проста немагчыма.
Вёска Калядзичы
© Copyright: Владимир Хихол, 2015
Свидетельство о публикации №115101807919
Свидетельство о публикации №115101807919
Рецензии