Ноч, не ноч. Вячэрні горад. Спаць, не спаць.
Выбар зроблены. Не намі. Жыць, не жыць.
У гадзіннiка дзве стрэлкі, дзве рыпяць
І нагадваюць мне часам – час бяжыць.
Я не ведаю: што дрэнна, добра што.
Як усе я быў калісьці. Быў, не быў.
З'ехаў цырк і разабралі шапіто.
І любіў яго, здаецца. Не любіў.
Паляцелі ў неба птушкі-галасы,
Паляцелі, і не вернуцца назад.
На гадзінніку дзве стрэлкі-паласы.
За акном зіма. Часовы заняпад.
13.10.2015
Часовы заняпад
© Copyright: Вершы, 2015
Свидетельство о публикации №115101310960
Свидетельство о публикации №115101310960
Рецензии