Пишрикале дия неш,
Нам цазат гIягIнил хIина.
Бигъури нам итI шатдеш,
Угьаслера ну кина.
Дия някьбе дуциле,
Кьяшике кIайцIахъунри.
ГъайрукIуле миръиле,
Намзе гъай дагьахъунри.
Дия варгина гъяйзе,
Чуйна ну пукьуцири…
ИсухIале уркулзе,
Миръил гьантI хIабуцири…
Дия уркIила хIяли
Цайри урши рукIуле…
ХIарелкьунри хIу гьантIли,
Намке уркIи изуле…
Неш хIуни намзе гири,
Сабурдешла анкурбе…
ХIуни урса варири,
Ахъес гIямрула гьумбе…
Азир баркалла неш хIатI,
ГIямру намзе диркIахъуй…
Бирис хугил хIаракат
Пашман хIарарес, дигуй.
Нешис дия
© Copyright: Салим Герейбеков, 2015
Свидетельство о публикации №115092905511
Свидетельство о публикации №115092905511
Рецензии