Накь Дербентда хьайи межлис,
Эдебият ким тир халис!
Кьве патанбур Сад хьана чи,
Акур хлкьдиз шад хьана чи!
Лезги халкьар, кІан хьуналди,
Кьве паталди пай жедани?
Чи сергьятдал къван хьуналди,
ВацІаллай тІвар чай жедани?
Камран, Эйваз, Вакъиф стха,
Бести вахни заз акуна,
Заз абурун гьар са арха,
Чинра авай наз акуна.
Ажеб хъсан хьаначни накь,
ГьакІ хьанайтІа, чи гьар са югъ!
Гьар садакай хьана са лекь,
Ийидай чи халкьдиз къуллугъ!
Сажидин, на мийир тади,
Гьар са кІвалах дуьз жеда чи!
Зегьмет чІугваз югъди, йифди
ЧІалан девлет хуьз жеда чи!
Накь дербентда
© Copyright: Сажидин Саидгасанов 4, 2015
Свидетельство о публикации №115092707992
Свидетельство о публикации №115092707992
Рецензии