Зи вил гала хайи чилин накьварихъ,
Диде акур зи шадвилин накъварихъ,
Аял чlaвуз рагал авур ахварихъ,
Хайи хуьруьхъ, бубад сурухъ вил гала.
Зи вил гала "Периздадихъ", мехъерихъ,
Чил юзурдай чи туьнт лезги кьуьлерихъ,
Суван синел чарх язавай лекьерихъ,
Рикleр ачух кьегьалрихъ зи вил гала.
Зи вил гала бубайрин ирс- адетрихъ,
Чи эллерин къени, мили хесетрихъ,
Булахдал физ рекье авай кleретlрихъ,
Дагъви рушан дамахрихъ зи вил гала.
Зи вил гала лезги чилин таватрихъ,
Агъузна кьил рехъди физвай къаматрихъ,
Мехъерик жер дуьгуьрдихъни таратlрихъ,
Зи кlaнидан вилерихъ зи вил гала.
Зи вил гала
© Copyright: Вадим Адилов, 2015
Свидетельство о публикации №115092100343
Свидетельство о публикации №115092100343
Рецензии
