Зи лезги чlaл, вун зи турни, къалханни,
Гадрайдахъ вун жедач мезни, кlaлханни.
Зи лезги чlaл, вун зи тlaлни, зи квални,
Течирдахъ вун авач гьич са шел-хвални.
Зи лезги чlал, вун зи духтур, дарманни.
Хиялдай кьван вакай я зун пашманни.
Зи лезги чlaл, вун зи мезни, терезни,
Мад лагьайтla, къеневай зи нефесни.
Зи лезги чlaл, вун зи рикlни, зи чанни,
Кьейи чlавуз жен вакай заз
лакьанни.
Зи лезги чlaл, вун зи пишкеш-савкьватни,
Сад Аллагьди ганвай заз вун такьатни.
Зи лезги чlaл, вун зи шадвал, зи бахтни,
Зун паталди вун пачагьдин я тахтни.
Зи лезги чlaл, вун зи намус, вижданни,
Халкь сад хьунихъ чlугвазва за гьижранни.
Зи лезги чlaл, вун зи ашкъи, луварни,
Ви гафарин тlям чидайдаз суварни.
Зи лезги чlaл, пак муьгьуьббат заз кlaни,
Вакай жен чаз гьар садаз вилин нини.
Зи лезги чlaл, вун зи уьмуьр, ахварни,
Рикlин шадвал, зи вилерин накъварни.
2015
Зи лезги чlaл
© Copyright: Вадим Адилов, 2015
Свидетельство о публикации №115091610251
Свидетельство о публикации №115091610251
Рецензии