ЗУЛ.
Зул атана агакьна чаз,
накъвадивди ац1урна чил.
Хьухь алахьиз, шагьвар на кьаз,
хъуьт1уьхъди на ч!угвазва гъил.
Гарухъ галаз кьуьлер ийиз,
ч1арар хьиз къугъвазва пешер.
Цуьквер хьиз аватай чилиз,
гамуниз ухшарзав иер.
Ви къеневай дерт чаз такваз,
къизил къуш хьиз вун аквазва.
Ругъул ийиз к1амар на чаз,
вун дагълара, гьик1 къекъвезва?
Дагълара на къив эк1ягъиз,
чуьллера на, т1урфанар тваз.
Гьак1 четинвал гуз на рик1из,
мурк1адив на гузва лап кьаз.
Сад-садак къиришаз яд-цав,
пашман, шадвилин макьамдал.
Мич1и хьана акъвазай къав,
лике хьиз аквазва чандал.
Чарад хьиз вун хъфизва Зул,
туна кьуд пад, перишандиз.
Кисарна на, гьар са мурт - кьул
вун мус къведа, гуьлуьшандиз.
ЗУЛ
© Copyright: Назиль Махмуд 76, 2015
Свидетельство о публикации №115091508459
Свидетельство о публикации №115091508459
Рецензии