Ишехьмир садни, накъварив кудай,
ГьакІан кІвалах я вилер цІурурун.
Кьисмет тиртІа ваз бахтарни гудай,
Яд тагай хьтин-тарар кьурурун.
Аялар шехьда гишин хьайила,
Амма чІехибур шехьун айиб я.
Бахт гайибур кьуд пешин хьайила,
Вичин кьисметдин халис сагьиб я.
Хажалат кьамир, кваз такьаз алахъ,
Чан аламай кьван атІумир умуд.
Туькьуьл кьисметдин жез тахьуй чІалахъ,
Бахтлу хьайибур ава са шумуд!
Сажидин, гьелбет, туш бахтлу инсан.
Бахтсус касни яз кьаз жедач хиве.
Гьим писди ятІа, гьим ятІа хъсан,
Лугьуз алакьдай мез ава сиве!
Ишехьмир садни
© Copyright: Сажидин Саидгасанов 4, 2015
Свидетельство о публикации №115090906619
Свидетельство о публикации №115090906619
Рецензии