РикІ ватанда амаз хайи СтІалрин,
Хъифей суна, ваз гьикІ кьарай къвезватІа?
Тухум-тара мукьва кьили кІватІалрин,
Рахун-луькІуьн, ваз гьикІ гьарай къвезватІа?
Ватандин руг ширин затІ я дадуниз,
Ватандин гьисс дерин затІ я кьатІуниз.
Мажбур хьайи гъилер хьуьчІуьк кутуниз,
Сивяй ви гьикІ чІерай-пІерай къвезватІа?
Са кьадардин вахт герек я рикІ хуруз
Хтун патал, вердиш авур хуьз харуз.
Гагь михьи жез, гагъ сел къвана, къвез кьаруз,
Яраб яд гьикІ вацІун кьеряй къвезватІа?
Ватанда рикІ амаз хъифей суна, гьей,
Куьз киснава, ченедин кьил кьуна, гьей?
Акьван яргъал хажалатмир вуна, гьей,
Ваз саламар хайи хуьряй къвезватІа!
Ватанда рик1 амаз хъфей сунадиз
© Copyright: Сажидин Саидгасанов 4, 2015
Свидетельство о публикации №115090906605
Свидетельство о публикации №115090906605
Рецензии