Кlанда заз вун, цициквидиз дагьар хьиз,
Кlанда заз вун, гьакl куьлегдиз дапlaр хьиз.
Агъузна кьил, зи къаншардиз атайла,
Кlанда заз вун,зегьем юкъуз са марф хьиз.
Кlанда заз вун, экуьн кьиляй ахвар хьиз,
Кlанда заз вун, са дагьардин шагьвар хьиз.
Катна закай, мад зи патав хтайла,
Кlанда заз вун, гьакl шадвилин накъвар хьиз.
Кlанда заз вун, и дуьньядиз лифер хьиз,
Кlанда заз вун, ярдиз вичин кифер хьиз.
Винизна кьил, ви вилер заз хъуьрейла,
Кlанда заз вун, гьакl жегьилриз йифер хьиз.
Кlанда заз вун, лекьрез вичин лувар хьиз,
Кlанда заз вун, гьакl цуькведиз нурар хьиз.
Секин ванцел-"на гъил къачу"-лагьайла,
Кlанда заз вун, гьакl чlижериз ракъар хьиз.
Кlанда заз вун, са легьзеда сефил хьиз,
Кlанда заз вун, гьакl чубандиз кфил хьиз.
Сугъул кьве гъед сирлудаказ акурла,
Кlанда заз вун, азадвал хьиз инсандиз.
2003-йис
Кlaнда заз вун
© Copyright: Вадим Адилов, 2015
Свидетельство о публикации №115090905676
Свидетельство о публикации №115090905676
Рецензии