Лезги элдиз тарихди гьич чин ганач,
Гьакимри чаз, валлагь, пак тир кьин ганач,
Акъудна рикI гъейрида вичин ганач.
Гьинва регьбер кIула халкьдин пар авай?
Дувулдин халкь, чахъ чи тарих, чIaл авай,
"Мугьманри" чун ийизва къе чIaлавай,
ПIузарри пIaгь гуз, сарари - кIacзавай.
Гьинва эркек Давудан рикI хуравай?
Яраб зи халкь, рухваяр вахъ шедатla,
Несилд мецел зи лезги чIaл жедатIa,
Хцин рикIeл бубадин сур къведатIa.
Гьинва кьегьал Шарвилид руьгь къеневай?
ХьайитIa икI, жеда чун чи къулавай,
Гуд жезва рикI, къакъатзава хурувай,
ГьикI жен чIалахъ гьакимрин чеб пул авай
Гьинва къуччагъ халкьдин дердер кьатIузвай?
Гьихьтин кIeве зи лезги эл жедатIa,
Дагъларай чаз лайлайдин ван къведатIa,
Шумудан кьил чи душманри недатIa.
Гьинва викIeгь халкь уяхиз къекъведай?
Гьинва?
© Copyright: Вадим Адилов, 2015
Свидетельство о публикации №115090900331
Свидетельство о публикации №115090900331
Рецензии