Тахьай диде

Диде кьейи етимдин,
Вилел накъвар алазва.
Паб амачир итимдин,
Рик!е хиял авазва.

«Вучда за? Гьикl ийин?»
Фикирзава итимди.
«Паб галачиз вуч хъийин?
Гьикl хуьда за етимар?»

Четин жезвай бубади,
Ц!ийи хизан кутазва.
И хабар хьайи аялри,
Чпини шадвал ийизва.

Сив хъуьредай залумди,
Вич къалурна шириндиз.
Къен ац!анвай агъудив,
Мурдар фена хизандиз.

Сифте гъайи йикъалай,
Вич къалурна виневаз.
Нагъв алахьиз вилелай,
Етимар хьана пип/еваз.

Рахкур тежез бубадвай,
Лаш къалурзай гъилелай.
Са гаф лагьайла мецелай,
Каф чк1извай сивелай.

Дердера гьатай бубади,
Гъил эцигна эрекьдал.
Фин тавурла вегьтедай,
Хъел алуддна эркекдал.

Фена йикъар, ик/ пашман яз,
Тахай диде хьана душман яз.
Аллагьди вичиз ик/ лишан яз,
Хайи аял жедай бахт ганач

Т!алрик!еваз ч/ехи хьана аялар.
Гьарда вичиз кутуна  хизанар.
Ахкунач бубадиз аялрин балаяр.
Хъфена вич вахтсуз цаварал.

Садазни такуй тахай дидед зулум,
Хайидакай тахьуй бала магьрум.
Ават1ани шумуд гьа ихьтин залум,
Дидедин нек хьурай кьилиз къалум.