Ч1алан къуват

Хъвена зун Ватандиз хуькведайла мад
Хкана за захъ галаз ктабар ц1увад.
К1валахдилай хтайла .заз амукьай вахт
Акъудда за ктабрал,им я ч1ехи бахт.

К1елайла а ктабар чир жезва заз фад
Дидед ч1алал рахадай гафар мад кьуд-вад
Шабатова кхьенвай ,,Я кьей хва абдал,,
Яракь я ам гъилевай,чира жуваз ч1ал.

Шаирди гьик1 кьунвайт1а.вичин хуьр вине
Кхьенвай .шаир я зун Макьарин хуьре.
К1елиз маса ч1аларал чир хьайит1ани
Виридалай артух я, вун,лезги ч1ал зи.

Тунавай гьак1 ц1арарани Чин Абдулкъадир
Дидед патай жуванни ,мукьва-кьили тир.
Нариман стхадинни тарифар авай
Шаирарни сад-садан далудихъ галай.

Лугьузвай чун хкаж жен,дагълариз кьакьан
Гьар са гуьрчег дередай акъатрай чин ван.
Къагьриман рухваяр чин.хайи чил к1ени
Алахънавай къалуриз гьунарар ч1ехи.

Атана зин фикирриз тек я зун ина
Катдани Европадай зун вири туна.
ГЬа дидеди хайивал  саддиз ама зун
Пагь ,уьмуьр ,кьисмет лугьуз гьак1 акъатна вун

Лугьун занни авайвал,яргъариз фимир
Къариблухдиз акъатун хьурай квез туба.
Гагь ина жез,гагь ана дугурай уьмуьр
Къураба я зун валлагь,халис къураба.