Беслан 1, 2, 3 сентябрь 2004 дус

Салим Герейбеков
ГIядабил бари бакIиб,
ЦIахил шагьалзе Беслан.
ДурхIна гIямру ледакIиб –
Школзе бариле таман.

Буциле школа Бесла,
ГIялам духIна цIахбариб…
ХIябал бари гашила,
ГIязаб чузе кебахъиб.

ДурхIна нушбе-дудушбе,
Ахърилизакан битIун,
Изес дехIдихьиб уркIбе,
Лебил дунъя уркIбухъун.

ХIябасил бари абхьиб,
Школаликела унза,
ДурабитIес хихбариб,
Кабушибта жаназа.

Унзурбе абхьибхIале,
ТярсбукIуле бехIбихьиб…
ГьапIухъас тIарибхIале,
Варгил дурхIне кабушиб.

Цацате бажарбикиб,
Нушбас мякьизе бягъес…
ЦархIил бехIте кабикиб,
Мякьла багъайкем хIал гес.

Нушбе цаби бялгIялзе,
Лебил гонза пIякьбикиб…
ДурхIне бирхьу хIябразе
ГIядабил бари бакIиб.

Камил гIямрула дурхIне,
ГIянжилизе буцахъиб…
Лебил дурхIна дудушбе,
ХIяндешизе бикахъиб.


© Copyright: Салим Герейбеков, 2015
Свидетельство о публикации №115081205613
Список читателей / Версия для печати / Разместить анонс / Заявить о нарушении
Другие произведения автора Салим Герейбеков
Рецензии
Написать рецензию
Другие произведения автора Салим Герейбеков