Вечарамi...
Нечаканай галечаю
Сум прыходзіць зноў змораны,
Дзверы я адкрываю зноў...
- Ты навошта мяне завеш?!
- Ці не сам да мяне ідзеш?
- Я іду на твой цёмны боль,
Што знаёмы табе адной!
Ці магу не прыйсці, калі
Успаміны сядзяць тваі
Зусім побач з табою?!
- Я ні кроплі не веру ім...
- Хлусіш...хлусіш! Кажу табе,
Што пакуль яны тут, ні мне,
Ні сумленню твайму не відаць спакою!
- Што ж мне з імі рабіць?
- Цёмнаю ноччу забіць,
Як хацелі забіць тваю праўду на паўдарогі!
- Гэта цяжка зрабіць.
Я не звыклася...
- Жыць! Ты не звыклася жыць...
Гэта ты разумееш?
Так і будзеш сядзець,
так і будзеш тужыць,
Так, без слова свайго, пасівееш...
Свидетельство о публикации №115081109201