Рик1из канда экуь бахтар, чара кас заз хан тахьурай,
Шадвилелди фирай вахтар, ч1уру хабар ван тахьурай.
Галалвилел кьелни фу хьуй, жуван к1вале - жув тамада,
Нефсет1 хьайла хада сарар, масадан пай кан тахьурай.
Хьурай винел марфар анжах зи ватандин ст1ал-ст1ал,
Гъурбатда нез дад квай зат1ар, заз бугьнардин тан тахьурай.
Дустар. куьн я зи рик1ин т1ем дарда хьайла, харда хьайла,
Пехилвилив туьк1уьрнавай касдин цлак къван тахьурай.
Квадарна дин авачт1а заз жуван ч1алал мез рахадай,
Зи тарари гузмачт1а бар, Шагьмарданал чан тахьурай.
Тахьурай
© Copyright: Шахмардан Арран, 2015
Свидетельство о публикации №115080409596
Свидетельство о публикации №115080409596
Рецензии