Намке дихьибил диги,
Дигуй хIазе датахъес,
Цен ругьуба хIа нешли,
ХIазе ну хъумартахъес.
Агъули турукIибил,
Дигахъирачи хIа неш…
Цес разихIариркибил,
ХIабаласра далилдеш.
Це бариша ахIарил,
Дуния хIу агорил,
ХIа нешла кIуял гъайни,
ХIазе ну ратахъунил.
Диягъуна цIакь диги,
Дунъялике леррира…?
БекIудирарушиле,
ХIуни ну леракIира.
ХIу нам гьанхIайкесана,
Кина аррукьишара…?
Ругьалра кехIайъана,
Руэсра ругьишара…?
Дия дард хIазе бурес,
Гьачамалра хIабикиб,
Нуни дучIуй саримтра,
ХIуни дикьни нам дигиб.
ДиркIулра гIямру кьутIкьуй,
ХIу мякьизе кехIайъуй.
ЯшадирукIулехьале,
Даража цаби рубкIуй.
Сарим Барият Къадарскаялис.
ХIа нешли ратахъун
© Copyright: Салим Герейбеков, 2015
Свидетельство о публикации №115072207701
Свидетельство о публикации №115072207701
Рецензии