ГАЛІНКА БЭЗУ
Памяці В.М.Гарбачовай
Галінка бэзу за акном –
Заранка позняга світання –
Сагрэла лепельскае ранне
Ліловым прывідным святлом.
У некранутай цішыні
Дыханне ветру і лістоты,
Жаданне шчасця і пяшчоты
І аніякай мітусні.
Аблокаў белых крыгаход.
Спакой, узнёсласць і лагоднасць.
Галінка бэзу – сум і роднасць,
Што працінаюць навылёт.
Як напамін сярод імжы
Пра дабрыню і чалавечнасць,
Пра тленнасць дзён зямных,
Пра вечнасць,
Пра шчодрасць сонечнай душы.
Безабаронная краса…
У горкім водары самотнасць.
Галінка бэзу – незваротнасць,
Мая няўцешная сляза.
Галiнка бэзу
© Copyright: Леонид Пранчак, 2015
Свидетельство о публикации №115072107977
Свидетельство о публикации №115072107977
Рецензии
Про вечность, про щедрость солнечной души... Светлая память.
Лада Берестова 23.07.2015 15:08 • Заявить о нарушении
Лада Берестова 23.07.2015 15:08 • Заявить о нарушении
