Яваш-яваш чимияр жез,
Акъатна чаз, гуьзел гатфар.
Амма рик1иг эхиз тежез,
Лугьузва за, жувак гафар.
Къацу хьана, дуьзен чуьллер,
Цуьк акъатна, атирлу я.
Нур алахьиз къвазнав вилер,
Вуч экуь я, фана Дунья!
Гьатиз япа нуьк1верин ван,
Къугъваз чанда, михьи шавгьар.
Йисар физва, акъатиз чан
Гьисаб тежез физвай йикъар.
Вуч экуь я, фана Дунья!
© Copyright: Назиль Махмуд 76, 2015
Свидетельство о публикации №115071403138
Свидетельство о публикации №115071403138
Рецензии