Аллагьли акIахъуб урши ва рурси,
Шадбарес дигули мекъличиб шанти.
ХIейъахъес ишбархIи цалра пашманси,
ХIушаб дучIас нуни, шадти далуйти.
Калаба арали, разили, жагьти,
ГIямрура дуркIули, цIакьли мурили.
Халкь хIяйранбирена, гьаман, жагьилти
Цала-ца хIушани, уркIи иргъули.
Мегъличи дакIибти, дулхъенаягу,
Барили халаси хIурмат жагьтала.
Арадеш ва талихI каммадиабгу,
Гьар мурадра таман биабгу чула.
Мегъличи дакIибти, дулхъенаягу,
Барили халаси хIурмат жагьтала.
Жагьтала мекъ
© Copyright: Салим Герейбеков, 2015
Свидетельство о публикации №115061005948
Свидетельство о публикации №115061005948
Рецензии