РикІ авачиз къекъвезвайди вун я, вун!
Ваз рикІелай багьа шейэр аватІа?
Пад хьайи рикІ хуравайди зун я, зун!
Руьгь амачиз вун дагълара аматІа?
Экуь дуьнья мичІи хьанва вилериз,
Япариз ван хквезмач ваз рахар зи!
Саврухди сел ракъурзава чилериз,
Квахьна гила рикІин кьарай, ахвар зи!
Ван хквезмач гараризни цавариз,
Дерт, рикІ паддай хци тир са чукІул я!
Руьгь катзава, Сад Аллагьдиз ялвариз,
Зи руьгь тир лиф, де лагь, вун квел машгъул я?
Экуь дуьнья мич1и хьанва вилериз
© Copyright: Назиль Махмуд 76, 2015
Свидетельство о публикации №115052801717
Свидетельство о публикации №115052801717
Рецензии