ЛЕЗГИНИЯ
Лезгиния! Вуч иерда ви хурал
Хъуьрез-хъуьрез Рагъ экъечIдай экуьн чIав!
Ви ряденра фида верци ахварал,
Чи дагъларин кьакьан къуьнел вили цав...
Хайи Ватан! Дигай, мублагь и чилел
Чун вуч хъсан халкь авунва гъуцари!
Гьейранда рикI акъваздамаз гьар пелел,
Гьадак ятIа гьар хур ина са зари?
Храда вал Яран руша сумагар
Гьар гатфарихъ ви чилерал рикI алаз.
Са куьнивни гекъиг жедач дамахар,
Ви гьуьжетар иервилин нихъ галаз?
Гуз жедани ви иервал гафарив?
Ви акунри гьейранзава цаварни.
Лал дуьзенар агакьдани Къафарив?
Гуьрчег я ви секин чIавар, суварни.
Лезгиния, даим кьилел алай къал!
Ви рухвайри ви дагъларал рикI алай,
Агъзур йисар алатнатIан хвенва чIал,
Ви тIвар алай,фей асиррин чиг алай...
Лезгиния! Чи иерди, масанди!
Кьеб я ви хур чIехи идай кьегьалар.
Ви тарихдин гелер дегьруьн, мусанди,
Иер Ватан, гьикI ятIа ви къе гьалар?
28.12.2014
Лезгиния
© Copyright: Римма Гаджимурадова, 2015
Свидетельство о публикации №115051506742
Свидетельство о публикации №115051506742
Рецензии