Тонкія струны плакучай бярозы
буйныя кроплі кранаюць.
То дажджавыя вясновыя слёзы
гімн прабуджэнню іграюць.
Сціх хор птушыны,а гром навальнічны
мерна ў бубен грукоча.
Хопіць не толькі раслінам вадзіцы,
кожны нап'ецца, хто хоча.
Вільгаццю ўжо набрыняла зямліца,
бэзу ружовеюць шчочкі.
Пахне паветра хваёвай ігліцай...
Свецяцца кветкавы вочкі.
З клейкіх лісточкаў красуні-бярозы
буйныя кроплі сцякаюць.
То веснавыя майскія слёзы
гімн Перамозе іграюць!
Вясновы гiмн
© Copyright: Лариса Винникова 2, 2015
Свидетельство о публикации №115051200507
Свидетельство о публикации №115051200507
Рецензии